ناس بكري والفايسبوك

تصورو كان جاو ناس بكري عندهم فايسبوك ! زعمة الأمثلة الشعبيّة متاع كيفاش تكون؟

أخطا بروفيلي وأضرب

إذا تحب تعلّم ولدك الكلام، قلّو يعمل جام
إذا كان الأدمين مهبول، يكون الفان عاقل
إذا كان خصيمكْ زوكرباغ لاشكون بشْ تسينيالي

إلّي يعمل جام ما يْشاورْش
إش يا ذبانة مافمة في الفايسبوك كان انا

إإذا فاتك الستاتو قول سمعت واذا فاتك الطعام قول شبعت
إلّي يِكومنتي وحدو يفضلو

إذا كان الكومنتير فضّة، يكون اللايك ذهب

إلّي يعطي مودْباسو يْموت بيه
إسأل فان وما تسألش أدمن
البروفيل المغلوق ما تدخله ذبّانة

الكلام الماشي لتويتر الفايسبوك أولى بيه

الصحبة صحبة واللايك ما فماش

العزوزة هاززها الواب و هي تقول العام صابة

المجراب تجيه نوتيفيكاسيون

الفهيم من غمزه والبهيم من البوْك

الإسم العالي والبروفيل الخالي

الجام يبطا

أسأل على صاحبك بدّلشي الفوتو دو بروفيل أما الطبيعة هِيّا هِيّا

الفايسبوك لا يعايروك

خوذ العلم من راس الأدمين

خانتها بروفيلها قالت بيراتاوني

خوذ الكوممتير اللي يبكيك، وما تاخوش اللايك اللي يضحكك ويزهيّك

بيرات وفي يدو شمعة

عملولو جام كمّل على قدّام

اعمل روحك أنفلوانسر تعيش

تشات الليل مدهون بالزبدة تطلع عليه الشمس يذوب

كي إحتجتك يا بروفيلي سينيالاوك القطا طس

بروفيلك صوّانك، إذا صنته صانك وإذا خنته خانك

ما يْحِس البان كان الِّي يعْفَسْ عليه..

ما يقعد في الواب كان حجرو

مهبولة و عملولها كومنتير في وذنها

من كثرة الأدمينات تغرق الباج

هوَ يْبوستي وجْنَاحُو يْـرُدْ عَـلِيهْ

هرب من كومتير جا تحت الترول

يشعل النار و يقول البوز منين ؟

يا مزيّن بروفيلك من برة اش حالك من داخل
كل شيء حباس كان البُوْك يا ناس

  فسّخني وبكا، سينيالاني وشكى

وإلّي موش مستانس بالفايسبوك يحرق معارفو

وتوّة ٱنشرها ولك الأجل، إن لم تنشرها فاعلم أن ذنوبك هي التي منعتك !!